سەکۆیەکە بۆ گەیاندنی پێشنیار و ڕەخنە و کەم و کورتی لە خزمەتگوزارییەکانی سەرۆکایەتی شارەوانی سلێمانی. بە سوپاس و پێزانینەوە داوا لە هاوڵاتیان دەکەین کە زانیاریمان بدەنێ لەسەر گیر و گرفتەکان تاوەکو بتوانین پێکەوە بە توانای خۆمان و هەماهەنگی لایەنە پەیوەندی دارەکان بەدواداچوون بکەین و چارەسەری گونجاو بدۆزینەوە.
هەر چاڵ و چۆڵی و کەم و کوڕییەک کە لە شەقام و کۆڵانەکەندا هەبێ و گێر و گرفتی بۆ هاوڵاتیان دروست کردبێ ، بۆ نموونە کاتێ تۆی هاوڵاتی هەر کەم و کوڕییەک لە ڕێگەو بانەکان بەدی دەکەیت کە ئەستەنگی دروست کردووە یاخود ڕێگەیەکی تەواو نەکراو بەدی ئەکەی دەتوانی ڕاستەو خۆ بە دانانی ڕێگەی ئەم وێب سایتەوە شارەوانی سلێمانی ئاگادار بکەیتەوە.
خۆڵ و خاشاک کە لە شونێ نەگونجاو دانرابێ و بووبێتە هۆی ناشرین کردنی سیمای شار و پیس کردنی ژینگە دەتوانی ڕاستەوخۆ شارەوانی ئاگادار بکەیتەوە بە ناردنی وێنەیەک لە پێناو پاک ڕاگرتنی سیمای شار و ژینگە.
هەر زیادە ڕەوییەک کە کرابێ و گیر و گرفتی دروست کردبێ و سیمای شاری ناشرین کردبێ بۆ نموونە کاتێ دەبینی دووکاندارێ زیادەڕەوی کردووە و بەهۆییەوە ئاستەنگی دروست بووە و سیمایەکی نەشازی بەخشیوە دەتوانی وێنەیەکی دابنێت و شارەوانی ڕاستەوخۆ بە دواداچوون دەکات.
هەر نوێکردنەوەو چاک کارییەک کە پێویست دەکا ئەنجام بدرێ. بۆ نموونە دروست کردنی ڕێگە یاخود قیرتاو کردنی ڕێگەو بانەکان کە زەروورە و بە چاک کردنیان ئاستەنگ لەسەر هاوڵاتیان کەم دەبێتەوە یاخود هەر کەم و کوڕییەکی دیکە کە لە چوارچێوەی ئەم خاڵەدا بێت
هەر پێشنیار و ڕەخنە و سکاڵەیەک کە تۆی هاوڵاتی دەتەوێ بیگەیەنیتە شارەوانی .
هەر گیر و گرفتێکی دیکە کە لەخزمەتگوزارییەکانی شارەوانی کە تۆی هاوڵاتی بەدیدەکەیت دەتوانی لە ڕێگەی ئەم ویب سایتەوە ڕاستەوخۆ داواکارییەکەت بگەیەنیت.
